Павлодар қаласының Назарбаев Зияткерлік Мектебі мен Железин ауданының « №2 жалпы орта білім беру мектебі» КММ, «Ауылдық жерлердегі тірек мектептердің әлеуетін дамыту» жобасының қатысушысы, облыстық және аудандық білім беру бөлімінің қолдауымен бірлесіп әдістемелік күн ұйымдастырды.
Іс-шараның мақсаты — мұғалімдердің кәсіби шеберлігін арттыру, тірек мектептің әлеуетін күшейту және ауылдық мектептерге заманауи әдістемелерді енгізу. Бұған дейін Железин №2 орта мектебінің педагогтері Павлодар қаласындағы НЗМ мектебінде тағылымдамадан өткен болатын.
Сабақтар
Сабақтарды «Железин №2 орта мектебі» КММ мұғалімдері өткізді. Сабақтар математика, физика, химия, география, қазақ тілі, орыс тілі мен әдебиеті, ағылшын тілі, биология және кітапхана ісі (оқу сауаттылығы) бағыттары бойынша ұйымдастырылып, белсенді оқыту әдістері, саралау, критериалды бағалау, зерттеушілік және функционалдық дағдыларды дамыту тәсілдері көрсетілді.
Семинарлар мен тәжірибелік сабақтар.
Сабақтардан кейін Павлодар қаласының НЗМ педагогтері «Белсенді оқыту әдістері», «Тиімді сабақ ұйымдастыру», «Reading literacy», «Күрделі тақырыптарды жоспарлау» сияқты бағыттар бойынша семинарлар өткізіп, тәжірибелік әдістерімен бөлісті.
Арнайы спикер
НИШ тіл маманы Vijay Ishak «Gamification in the classroom» тақырыбында шеберлік сабағын өткізіп, сабақта геймификацияны қолданудың тиімді жолдарын көрсетті.
Тірек мектептің дамуына қосқан үлес
Кездесу барысында тірек мектептің материалдық-техникалық базасын дамытуға бағытталған бастамалар талқыланды. Атап айтқанда, STEM зертханаларын тиімді пайдалану, робототехника және инженерлік дағдылар бойынша алдағы оқыту курстары жоспарланды. Бұл ауылдық оқушыларға сапалы білім алуына жаңа мүмкіндік береді. Іс-шара мұғалімдер қауымдастығының кәсіби байланысын нығайтып, тірек мектептің даму бағытына серпін берді. Ынтымақтастық алдағы уақытта да жалғасады.
